هذي طريقة حلى قهوة ولذيذه مره وآسفه على الصور مو واضحه أتمنى تعجبكم يالله نبدى"
المقادير:
أ/1باكيت شعرية باكستانية +1/4 إصبع زبده
طبعا نذوب الزبده وتكسر الشعرية صغار ونحطها على الزبده ونقلبها إلى أن تشقر..
ب/2ظرف كريم كرامل + 2كأس ماء وطبعا أنا أستخدم كاس جبن الكرفت الكبير في المقادير بالكاست + 2ملعقة حليب جاف (بودره) + 1علبة قشطة
كل هذي المقادير ماعدا القشطة على النار وإذا أخذت بالغلي نرفعها ونضيف القشطة ونحركها.
ألحين ناخذ صينيه بايركس (كبيره) ونحط فيها الشعرريه (أ) وبعدين نصب مقادير (ب) ونخلطه بخفيف بالملعقة بحيث نوزع الشعرية
بعدها نصف بسكويت الشاي عليها بتصير عايمه لا تخافون ماراح تغرق..خخخخخخخخخخ...إحم إحم.. يقال شخصية
ماعلينا نكمل ناخذها بأناملنا الحلوه ونحطها بالثلاجه
حبيباتي بهذا الوقت نعمل آخر طبقة الي هي الآتي:
في الخلاط الكأس نحط "1علبة حليب مركز محلى + 6حبات جبن كيري" وهذي الطبقة تخبلني من أشوف حلى به هالطبقة أموت وأسويها عشان أستمتع بها
ألحين نطلع الي كنا حطناه بالثلاجه هو تو مابرد حيل يعني بس عااااااااادي ولا يهمكم ما يصير شيء..
نحطه على رف المطبخ ونصب عليه الخلطه الخطييييييييييره وقد ما نقدر ما نخلي بالخلاطه شي لأن هذي الطبقه زي ماقلت خطيره
كأني طولتها وهي قصيره لازم نسوي أكشن بالمطبخ عشان نستمتع..
ناخذ النسكافيه ونرشه بكل رقه على الحلى زي ماقلت على الطبقه الخطيره وبعدين ناخذ الكاكاو البودره (النسكويك) الي مزهقينا عليه البزران كل ما خبيناه في مكان طلعوه
تلقاكم مليتو خخخخخخخخخخخخ
إحم إحم حبيباتي كل وحده تاخذ من الكاكاو وترشه بكل رقه على الطبقه الأخيره وبعدها نرجع الطبق مكان ما خذناه بالثلاجه
وبعد مابرد نطلعه ونقطعه ونحطه في ورق "البيليسيه" ..وبالعافيه
سومية 
النمط الخطي
