السلام عليكم .

البنت اللي تصارح ولد بحبها ليه المجتمع بيعتبرها بجحة وقليلة الأدب ؟

(مستحيل طبعا أنا اللي أبتدي بالكلام و أعترف له إني باحبه هو أنا اتجننت ... وبعدين الناس هايقولوا عليا إيه ؟
وهو كمان هيتقبل كلامي إزاي ؟ ... لأطبعا أنا مش متخيلة أبدا إني ممكن أعمل حاجه زي دي و أحط نفسي
في الموقف ده .....)
و كأن أختنا بتتكلم مثلا عن جريمة أخلاقية هاترتكبها لو اعترفت للي قلبها اختاره بحبها .....وتقعد بقي
تتصرف تصرفات خيبة ولا المراهقين ..... ال يعني هو كده مش هيبقي واخد باله .... لأ طبعا هيبقي حاسس بس
في نفس الوقت هيقول عليكي تافهة أو بتلفي وتدوري عليه ....... ومش هاتسلمي من اتهاماته .. ولو في قلبه حاجة
من ناحيتك هاتتقلب ضدك .....لأنك في نظره مش واضخة ... بس بصراحة علشان نكون صادقين مع نفسنا ... هي
أختنا غلطانة في كل اللي قالته بس عندها حق في حاجة واحدة ..... مش علشان هي صح علشان إحنا عايشين علي
مفاهيم غلط وهي جملة (الناس هيقولوا عليا إية ؟)وما أدراكم ماكلام الناس واتهاماتهم اللي بتودي في داهية , عايزين
يغيروا سنة الحياة ؟....... ويقلبوا موازين الكون ؟ويصوروا الولد علي إنه ياعيني الفار اللي وقع في مصيدة والخ .....
ويتهموها بالجرأة ومش بعيد تكبر العملية يقولوا عليها مش متربية ....ويقولوا (ياسلام فين زمان و أيام زمان ...هو إحنا ماكناش بنات ولا إية ؟) وكلهم يقولوا في نفس واحد (بلا حب بلا كلام فارغ .... دا جيل مهبب ) وكأن مثلا الحب ده حاجة
كده جديدة اكتشفناها من خمس أو ست سنين ومكانتش موجودة علي أيامهم .........والمصيبة بقي إن أول لحظة صفا منهم بيعترفوا بأنهم اتجوزوا عن حب ... وتسمع منهم أحلي كلام عن الحب وأروع القصص والحكايات الغرامية من أول المنديل
الأحمر لغاية حديقة الأسماك ......وياسلام بقي لما ينهوا كلامهم ويقولولك إية (كل حاجة زمان كان أساسها الحب )
ولما تمسك عليهم كلامهم يقولوا (حب زمان حاجة .. والحب دلوقتي حاجة تانية ) طيب إية اللي غير مفاهيمه .وليه أصبح جريمة ...وفيها إية يعني لو البنت هي اللي اعترفت بحبها ؟؟ ولما سألت لبنات اللي حوليا ..... مي قالتلي إنها مش ممكن تفرط في كرامتها أبدا ... وإن كرامتها مش هتسمح لها إنها تعترف بحبها .......
أما شيماء فقالت (مستحيل أنا اللي أبتدي الكلام علشان ما يمسكهاش عليه زلة ... ويعايرني بعد كده )
أما هبة فكان لها رأي تاني وقالتلي (أنا مقدرش أعترفله بحبي علشان ميشكش إني كان ممكن أقول كده لأي حد غيره )
وسارة قالت (هو اللي لازم يجيلي لغاية عندي ويقولها لي .... وماينفعش أنا اللي أقولها أبدا علشان يعرف إنه تعب لغاية مايوصلي فميفرطش فية بسهولة )
إية ياجماعة العقد والكلاكيع دي .... وإيه دخل الاعتراف بالحب بالكرامة والمعايرة والشك ...... وإية النظرة السطحية دي ؟
و إية سر اعتقادهم في المثل الخايب ( خدي اللي بيحبك .... وماتخديش اللي بتحيبه ) يعني دعوة عامة علشان نقتل إحساسنا
بإيدينا ولما نفشل في حياتنا يقولوا لنا إنتم السبب.... كل ده علشان مبدأ غلط في حياتنا بيقول ماينفعش إن البنت تكون هي صاحبة الكلمة الاولي في الحب........؟
هل أنت كاراجل تقبل إن البنت تصارحك بحبها ؟ وترتبط بيها ؟ولا هتقول كلام تاني ؟
وأنتي ياستي فيها حاجه لو اعترفتي بي حبك ؟ ولا هتقولي كرامتي و أخلاقي مايسمحوش بكده ؟...

.

لا تعليق .....
يعطيك العافيه اختي شمس.......

a7nI
مشكور علي مرورك .

لاتعليق لدي 00

اترك الاجابة لبنوتات المنتدى 00

دمتِ بخير 00

__________________


[فقط الأعضاء المسجلين يمكنهم رؤية الروابط. ]

" آذَآ مَرَرْتَ بِمُشَآرَكَآتِي ... إدْعُوُ آلْلّهَ أنْ يَجْعَلَهآ فِي مِيِزَآنْ حَسَنَآتِي "

*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*

لن أجعل مشاعري أرضاً يداس عليها .... ولكن ...سماء يتنمى الآخرون الوصول إليها...

مشكور يا أخ مشاكس علي مرورك

والله هذا شي تعوودنا عليه ان الولد هو الي يعترف لحبه للبنت والبنت تتغلى : )

لذلك النفس ماتتقبل وشكرن تحياتي

مشكورة شمس يا عسل انتِ


تحياتي .

مشكور أخ سامح علي مرورك وردك
ربنا يخليك .

ربنا يخليكي يا احلام تسلمي علي مرورك ياقمر.

بص انا من رأيى المفروض ميبقاش فى خجل لان من الاول لو فى خجل مش هتقدر انها تحب ها تخجل من نفسها وتقول انا ازاى حبيت وتلوم نفسها
فطالما اديت لقبها فرصه انه يحب يبقى هى خلاص ممكن تصارح اللى بتحبه وده مش عيب ولا بينقص من غلاوتها ولا اى حاجه
والحب ده شىء الواحد مش بيرتب له علشات يحدث لالالالالالالالالالا ده امر تلقائى وبيجى لوحده
ولا هو الولد يبدأ ويقول انه بيحبك ولكن لو حاجه تانيه والبنت عايزاها هتقولها ومن غير ما يكون فى خجل اصل احنا معظم البنات كده ممكن تطلب حاجه متتططلبش وتعمل حاجه تانبه مش من المفروض انها تعملها