لا تغمض عيونك


اغار انا من كل عين تشوفك

ـــــــــــ الا عيوني كيفها لو تشوفك

ما ودي تلمح عينك عيون غيري

ــــــــــ ولا ودي ينعم غير عيني بوصوفك

كان النظر مسموح بس العيوني

ـــــــــ اما لغيري ماله الا طيوفك

خل الوله يرتاح بيني وبينك

ــــــــ يكفي تأثر من ظروفك وظروفي

لا تغمض عيونك وتتعب هدبها

ـــــــ اشتاق انا في كل غمضة لشوفك

انسى اللي حولي ومالي الا عيونك

ـــــــ كل العيون اتغيب لحظة كسوفك

مدري هوى والا غزل والا اشواق

ــــــــ يوم المحك يزول خوفي وخوفك

احس كنا الدنيا تزهر وتنور

ــــــــ ويزول همي يوم اجيلك والوفك

كل الجروح اتطيب لحظة وجودك

ـــــــ واقرا الالم في عيني تفهم حروفك

معنى الهوى احساس ما بين لعيون

ـــــــ ويا كثر حب فاض لك يوم اشوفك


كلمات....... سيف الظاهري






التوقيع
عرفتك قبل لا اتعرف عليك
رسمتك في خيالي حلم غالي
قبل عيني تشوفك والتقيك
احبك يا خيالن في خيالي

انا شفتك وشفت الحب فيك
وكن اللي مضى لي ما مضالي

احبك واندفعلك واهتويك
نعم واموت فيك ولا ابالي

كلمات حلوة ومعبرة
بس اعتقد مو قصة

__________________

ننتظر جديدك