1- قبل الاستحمام ب 4 ساعات حطو زيت على الشعر وسوو مساج
لمدة ربع ساعه حتى النص ساعه.. والزيت هو الي تفضلونه.. انا اسوي زيت
باراشوت الازرق والله انه روعه وريحته جنان.. واعجفي "اعقصي"
الشعر..


2- بعد الاربع ساعات من وضع الزيت دخلو الحمام كرمكم الله.. واغسلو
شعركم بشامبو الي مثل نوع شعركم.. يعني الجاف تستخدم شامبو للشعر
الجاف والدهني للدهني وهكذا..
3- جففو الشعر جيدا.. وهاتو كريم حمام الزيت من الي تفضلونه..وانا
استخدم الفاشكول اللي بالثوم.. خذي جزء من الشعر وحطي فيه كريم حمام
الزيت وجزء وجزء وحتى يكون كل الشعر فيه الكريم..


4- لمي الشعر وارفعيه فوق وبنديه باي شي..


5- جيبي فوطه منقعه في ماء دافئ ويطلع منه الدخان.. ولفيها على الراس
جيدا..


6- جيبي كيس بلاستيك الي يغطون فيه الشعر وغطيه بعد لف الفوطه..


7- وهنا استحمي وادلعي وحطي في بالك انك بتحصلين على شعر
جنان..


8- وبعد ما تخلصين من الاستحمام يعني لازم يمر ربع ساعه على الاقل
ونص ساعه بالكثير من وضع كريم حمام الزيت اغسلي شعرج بماء دافئ..
واغسليه جيدا..


9- جففيه جيدا ولفي الفوطه على الشعر حتى تمتص الماء..


10- بعدها بربع ساعه شيلي الفوطه وخلي الفروه تتنفس..


11- ولا تمشطين حتى يصبح نص الشعر جاف ونصه مبلل يعني نص نص..
و حطي أي كريم مغذي للشعر وبعدين مشطي(يا حبذا بمشط خشبى واسع الاسنان او بفرشاه خشبية)..واستخدمى بالمرز الأخضر
روعه..